"Мектеп парламенті" өзін-өзі басқару ұйымы"Оқулықты күтіп ұста!" тақырыбында радиолинейка

Н.Әлұханбетов атындағы орта мектеп, мектепке дейінгі шағын орталығы КММ

«Мектеп парламенті» өзін-өзі басқару ұйымның ақпараты

Н.Әлмұханбетов атындағы орта мектебінде "Мектеп парламенті" өзін-өзі басқару ұйымының ақпарат фракциясы аясында 11-15.10.2023 ж аралығында білім алушыларды оқулықты күтіп ұстауға баулу, білім алудың басты құралы кітапқа құрмет көрсету екендіктерін ұғындыру мақсатында "Оқулықты күтіп ұста!" тақырыбында радиолинейка ұйымдастырылып, балаларға оқулықты күтіп ұстау ережелері туралы ақпараттық бұрыш жасалынды. Шараға 1-11 сынып оқушылары қатыстырылды.

Ақпарат фракиясының жетекшісі Болатбек Анел:

Кітап та алма ағашы,
Жемісін біздер теретін.
Тәтті алмаға балашы,
Кітабыңның әр бетін.- деп Мұзафар аталарың жырлағандай, әдеби кітаптар мен оқулықтар сендерге білім көзі, рухани қазына. Кітапты оқи отырып адамның ішкі жан дүниесі артады. Айналадағы өмірмен, құрбы - құрдастарымен танысып, жақсы болуға, жақсылық іс істеуге құштарландыратын осы құрал - кітап.
Кітап білімімізді молайтады, кітаптан көп үлгі өнеге, тәрбиесінен әсер аламыз. Оқыған, тоқығаның көп болса, жеңбейтін жау, алынбайтын қамал жоқ. «Білекті бірді жығар, білімді мыңды жығар» деген халық даналығы бекер айтылмаған. Ендеше кітап біздің рухани байлығымыз- деп оқушыларды ақпарат бұрышымен таныстырып шықты.